លោក ងួន សេរ័ត្ន នាយករដ្ឋបាលក្លឹបអ្នកកាសែតកម្ពុជា ឲ្យដឹងនៅថ្ងៃទី១៤ ខែវិច្ឆិកា ឆ្នាំ២០១២ ថា ការប្រកួតប្រជែងអត្ថបទសារព័ត៌មាននេះ គឺដើម្បីជាការលើកទឹកចិត្តដល់អ្នកសារព័ត៌មានកម្ពុជា ដែលបានបំពេញកិច្ចការជួយលើកស្ទួយសិទ្ធិកុមារ ពិសេសកុមារី ឆ្នាំ២០១២ ដល់ឆ្នាំ២០១៣៖ «នេះជាលើកដំបូង ដែលយើងធ្វើការប្រឡងអត្ថបទទាក់ទងទៅនឹងការលើកកម្ពស់សិទ្ធិកុមារី។ យល់ថា វាមានសារសំខាន់ ពីព្រោះយើងឃើញថាវានៅមានគម្លាតនៅឡើយទាក់ទងនឹងបញ្ហាសិក្សារបស់កុមារីនៅតាមសាលា»។
នៅក្នុងការប្រឡងអត្ថបទនេះ ក្លឹបអ្នកកាសែតកម្ពុជា នឹងជ្រើសរើសជ័យលាភីចំនួន ៥រូប ដែលនឹងទទួលរង្វាន់។ សម្រាប់ជ័យលាភីលេខមួយ និងរង្វាន់ទី២ ទទួលបានរង្វាន់កុំព្យូទ័រយួរដៃម្នាក់ៗមួយគ្រឿង រង្វាន់ទី៣ ជ័យលាភីលេខបី នឹងទទួលបានទូរស័ព្ទអាយហ្វូន (Iphone) មួយគ្រឿង រង្វាន់ទី៤ និងរង្វាន់ទី៥ នឹងទទួលបានកាមេរ៉ាថតម្នាក់ៗមួយគ្រឿង។ ក្លឹបអ្នកកាសែត ក៏នឹងផ្តល់រង្វាន់លើកទឹកចិត្តប្រដាប់ថតសំឡេងមួយគ្រឿង សម្រាប់អត្ថបទចំនួន៥ ផ្សេងទៀត។ កាលបរិច្ឆេទឈប់ទទួលអត្ថបទជ្រើសរើស នៅថ្ងៃទី១៥ ខែវិច្ឆិកា ឆ្នាំ២០១២ តទៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។